Ўз қароргоҳида шуғулланаётган "Андижон" иккинчи босқичга тайёргарликни давом эттирмоқда. Кеча куннинг иккинчи ярмида “Соғлом авлод” стадионида машғулотлар ўтказилди. Мана шу машғулотда мураббийлар икки томонлама ўйин орқали футболчиларни синовдан ўтказишди.

“Оқлар”: С.Смородин, Д.Маҳмудов, Д.Турсунов, А.Азизов, Ф.Ҳасанбоев, А.Тўхтасинов, Б.Ғозиев, Б.Абдураҳимов, Р.Раҳмонов, Д.Краев (А.Жўрабоев), Л.Солиев.
“Сариқлар”: А.Турсунбоев, И.Ибрагимов, А.Маматказин, А.Қаюмов, У.Норқобилов, А.Раҳмонов, Т.Маҳмудов, А.Мансуров, А.Жадигеров, А.Абдуқодиров, А.Жўрабоев (А.Сидоров).
Голлар: Д.Краев, Л.Солиев, А.Жўрабоев.

Бўлимлар вақти 30 дақиқадан иборат бўлди ва бу учрашувда “оқлар” 3:0 ҳисобида ғалаба қозонди. Дмитрий Краев, Лочин Солиев ва иккинчи таймда “оқлар” сафида ҳаракат қилган Акмал Жўрабоев ўз ҳисобига гол ёзиб қўйишди.

Таркибдаги ўзгаришларга тўхталадиган бўлсак, куни кеча жамоага “Сурхон”дан икки нафар ўйинчи Тоҳир Маҳмудов ва Улуғбек Норқобилов келиб қўшилишди. Бундан ташқари тажрибали футболчи Асқар Жадигеров ҳам жамоага қайтди. Аммо кетганлар сони яна биттага кўпайганини айтиб ўтиш керак. “Пахтакор”дан ижарага олинган Темур Ҳакимов энди “Андижон”да ўйнамайдиган бўлди. Эртага жамоа “Соғлом авлод” стадионида “Нефтчи” ўринбосарлари билан куч синашади.