"Ливерпуль" ҳимоячиси Виржил ван Дейк мухлислар томонидан мунтазам танқид қилинаётган жамоадоши Флориан Вирц ҳақида фикр билдирди.
"Ливерпуль" уни сотиб олишининг жуда жиддий сабаби бор: менинг назаримда, у жаҳон даражасидаги ажойиб футболчи. У фақат яхшиланиши мумкин, лекин бунинг учун бироз вақт керак бўлади", - дея ван Дейкнинг сўзларини келтиради журналист Фабрицио Романо.
Ёзги трансферлар вақтида "Ливерпуль" 22 ёшли германиялик хавбек учун 125 миллион евро тўлаган эди. Мерсисайдликлар сафида у барча турнирларда 18 та ўйинда майдонга тушди ва тўртта голли узатмани амалга оширди.
