"Бавария" марказий ярим ҳимоячиси Леон Горецка катта эҳтимол билан келаси ёзда клубни тарк этади. Бу ҳақда BILD хабар бермоқда.
Манбага кўра, ҳозирда томонлар шартномани узайтириш бўйича музокаралар олиб бормаяпти. Горецканинг кейинги мавсумда "Бавария"да қолиши даргумон. "Бавария" ҳозирданоқ хавбек ўрнини тўлдирувчи футболчи қидирмоқда ва асосан ёш футболчиларга эътибор қаратмоқда.
Горецка "Бавария" сафида 2018 йилдан буён тўп суриб келмоқда. Жорий мавсумда у барча турнирларда 19 та ўйинда майдонга тушди, аммо самарали ҳаракат қилмади.
30 ёшли Горецканинг клуб билан амалдаги шартномаси 2026 йилнинг ёзида якунига етади. Transfermarkt портали германиялик хавбекнинг трансфер нархини 22 миллион еврога баҳолаган.













