Ўзбекистоннинг биринчи рақамли гроссмейстери Нодирбек Абдусатторов Буюк Британиянинг Лондон шаҳрида ўтаётган "London Chess Classic" 2025 турнирида ғалаба қозонди. У “Эмиратес Стадиум” мажмуасидаги турнирнинг 8-турида франциялик Алиреза Фирузжа билан дуранг ўйнаб, муддатидан олдин чемпионликни расмийлаштирди.
Турнирнинг умумий мукофот жамғармаси 50 минг фунт стерлингни ташкил этади. Чемпионликни қўлга киритган Абдусатторов 25 минг фунт стерлинг билан тақдирланди. Иккинчи ўринни эгаллаган шахматчи 15 минг фунт, учинчи ўринни эгаллаган спортчи эса 10 минг фунт стерлинг олади.
