Англия терма жамоаси бош мураббийи ўз футболчиларини 2026 йилги жаҳон чемпионатида ғалаба қозонишни орзу қилиш учун етарлича жасоратли бўлишга чақирди.

"Албатта, ҳамма буюк нарсаларни орзу қилади. Мухлисларга ғалаба ваъда қила олмаслигимизни ҳамма тушунади, аммо улар жаҳон чемпионлиги учун бор кучини сарфлайдиган ва курашадиган Англия терма жамоасининг ҳақиқий жамоавий руҳини кўришлари аниқ. Совринни орзу қилиш учун етарлича жасур бўлишимиз керак. Ҳар бир ўйинга тўғри тайёрланиш муҳим. Ким билан ўйнашимизни қуръа ташлаш пайтида билиб оламиз", - деди немис мураббийи.

Эслатиб ўтамиз, 2026 йилги жаҳон чемпионати келаси йилнинг 11 июнидан 19 июлига қадар Канада, Мексика ва АҚШда бўлиб ўтади. Футбол бўйича жаҳон чемпионатининг гуруҳ босқичига қуръа ташлаш маросими 5 декабрь, жума куни бўлиб ўтади.