"Манчестер Сити" яримҳимоячиси Нико Гонсалес Англияга кўчиб ўтганидан кейин ўйинидаги ўзгаришлар ҳақида гапирди.
Испаниялик футболчи жорий йилнинг февраль ойида "Порту"дан 60 млн евро эвазига "шаҳарликлар" сафига кўчиб ўтган эди.
"Ажойиб тажриба, мен кўп нарсани ўргандим. Ўйлайманки, бу вақт ичида мен кўп жиҳатларда - ҳам жисмоний, ҳам тактик жиҳатдан сезиларли даражада яхшиландим. Биз ҳар уч кунда ўйнаймиз, бу мослашиш ва доимий ўсишни талаб қилади", - дея Никонинг сўзларини келтиради City Report.
Жорий мавсумда 23 ёшли хавбек "Манчестер Сити" сафида барча мусобақаларда 20 та ўйинда майдонга тушиб, ўз ҳисобига 1 та гол ёздириб қўйди.
