"Manchester Siti" yarimhimoyachisi Niko Gonsales Angliyaga ko‘chib o‘tganidan keyin o‘yinidagi o‘zgarishlar haqida gapirdi.

Ispaniyalik futbolchi joriy yilning fevral oyida "Portu"dan 60 mln yevro evaziga "shaharliklar" safiga ko‘chib o‘tgan edi.

"Ajoyib tajriba, men ko‘p narsani o‘rgandim. O‘ylaymanki, bu vaqt ichida men ko‘p jihatlarda - ham jismoniy, ham taktik jihatdan sezilarli darajada yaxshilandim. Biz har uch kunda o‘ynaymiz, bu moslashish va doimiy o‘sishni talab qiladi", - deya Nikoning so‘zlarini keltiradi City Report.

Joriy mavsumda 23 yoshli xavbek "Manchester Siti" safida barcha musobaqalarda 20 ta o‘yinda maydonga tushib, o‘z hisobiga 1 ta gol yozdirib qo‘ydi.