"Манчестер Сити" сўнгги ҳимояда ишончли ўйин кўрсатмаяпти. "Шаҳарликлар" яқинда "Фулхэм"га қарши кечган учрашувда ўз дарвозасидан 4 та тўп ўтказиб юборганига қарамай, ғалаба қозонишга муваффақ бўлди (5:4). Аввалроқ жамоа "Лидс" (3:2), "Байер" (0:2) ва "Ньюкасл"дан (1:2) иккитадан гол ўтказиб юборганди.

"Ҳимоямиз етарлича яхши. Албатта, индивидуал хатолар ҳам бўлиб туради, лекин гап фақат бунда эмас. Масалан, "Фулхэм" билан ўйинда муаммо умуман бошқа эди - майдоннинг юқори қисмида тажовузкорлик етишмади. Биз етарлича босим ўтказа олмадик - шунинг учун шундай бўлди. Биз тўп дарвозамиздан узоқда бўлганида ўзимизни анча хавфсиз ҳис қиламиз, аммо ўйинчилар бутун 95 дақиқа давомида ритмга дош бера олишмайди. Бунинг устида ишлашимиз керак," - деди "Манчестер Сити" устози Хосеп Гвардиола "Сандерленд"га қарши шанба кунги ўйин олдидан.

"Шаҳарликлар"нинг "қора мушуклар"га қарши жанги Тошкент вақти билан 20:00да бошланади.