Хабарингиз бор, якунланган мавсумда «Навбаҳор» ПФК матбуот хизмати ходимлари жамоанинг ҳар бир ўйинидан сўнг, «лочинлар» таркибидаги учрашувнинг энг яхши футболчисини аниқлаб келишди.
Энди эса навбат 2025 йилнинг энг яхши ўйинчисини аниқлашга етиб келди. Клуб матбуот хизмати ходимлари талқинига кўра, жамоанинг маҳоратли ярим ҳимоячиси Аббосжон Ғуломов «Навбаҳор»нинг 2025 йилги энг яхши футболчиси, деб топилди.
Якунланган мавсумда 27 ёшли футболчи «лочинлар» таркибида Суперлига ва Ўзбекистон кубоги баҳсларида жами 33 та ўйинда майдонга тушиб, 2579 дақиқа ўйнаб, 12 та голга муаллифлик, 3 та голга ассистентлик қилди.
Эслатиб ўтамиз, Аббосжон Ғуломов ЎзПФЛ томонидан 2025 йилги мавсумнинг "кашфиёт футболчиси" сифатида тан олинган эди.
