"Реал" бош мураббийи Хаби Алонсо Испания Ла Лигасининг "Сельта"га қарши ўйини ҳақида гапирди.
"Мен "Реал"нинг яхши, тўлақонли ўйинини кўришни истайман. Биз ўзимизни яхши ҳис қилишимиз ва Бильбаода бўлган воқеаларни давом эттиришимиз керак. Биз бу ҳақда гаплашдик ва бу устида ишладик.
"Атлетик" билан ўйин бурилиш нуқтаси бўлдими? Яхши ўйин бўлди. Энди давом эттирмоқчимиз. Пешқадам бўлиш учун кўпроқ ўйинларда ғалаба қозониш керак. Апрель-май ойларида биз керакли жойда бўлишни истаймиз," - деди Алонсо матбуот анжуманида.
"Реал" ва "Сельта" учрашуви 7 декабрь куни Тошкент вақти билан соат 01:00да бошланади.













