"Манчестер Сити" АПЛнинг 15-туридаги ғалабадан сўнг "Арсенал"га яқинлашди.
Пеп Гвардиола жамоаси "Сандерленд"ни йирик ҳисобда мағлуб этган бўлса (3:0), "канонирлар" "Астон Вилла"га имкониятни бой берди (1:2).
"Арсенал" 33 очко билан ҳамон пешқадамлик қилмоқда. "Ман Сити" икки, "Вилла" уч очко ортда қолмоқда. Айни пайтда "Челси" 25 очко билан кучли тўртликни якунлаб турибди. "Кристал Пэлас" (23) эртага "Фулхэм"ни мағлуб этса, ундан ўзиб кетади.














