"Барселона" бош мураббийи Ханс-Дитер Флик "ўнлик" позициясида Ламин Ямални синаб кўриш қарорини изоҳлади.
18 ёшли футболчи Ла Лиганинг шанба кунги ўйинида "Бетис"ни (5:3) мағлуб этишга ёрдам берди ва пенальтини аниқ амалга оширди.
Учрашув якунлангач, журналистлар Фликдан нима учун Ямал "ўнлик"да ўйнагани ва унинг ўрнини ҳужумда ўнг томондан Руни Барджи эгаллаганини сўрашди.
"Мен шунчаки уларнинг исмлари ёзилган варақларни қутига солиб, уни силкитдим - шундай танлов қилинди. Ҳазиллашдим. Ўйин олдидан Ламиндан "ўнлик" ролида ўйнашга тайёрмисан, деб сўрадим ва у ижобий жавоб берди. Руни асосий таркибда тушишга лойиқ эди - бугун у ўзини жуда яхши кўрсатди. Ямал ва Барджи майдонда ажойиб тарзда ўзаро ҳаракат қилганини ҳамма кўрди," - дея Фликнинг сўзларини келтиради Barca Universal.
