"Barselona" bosh murabbiyi Xans-Diter Flik "o‘nlik" pozisiyasida Lamin Yamalni sinab ko‘rish qarorini izohladi.
18 yoshli futbolchi La Liganing shanba kungi o‘yinida "Betis"ni (5:3) mag‘lub etishga yordam berdi va penaltini aniq amalga oshirdi.
Uchrashuv yakunlangach, jurnalistlar Flikdan nima uchun Yamal "o‘nlik"da o‘ynagani va uning o‘rnini hujumda o‘ng tomondan Runi Bardji egallaganini so‘rashdi.
"Men shunchaki ularning ismlari yozilgan varaqlarni qutiga solib, uni silkitdim - shunday tanlov qilindi. Hazillashdim. O‘yin oldidan Lamindan "o‘nlik" rolida o‘ynashga tayyormisan, deb so‘radim va u ijobiy javob berdi. Runi asosiy tarkibda tushishga loyiq edi - bugun u o‘zini juda yaxshi ko‘rsatdi. Yamal va Bardji maydonda ajoyib tarzda o‘zaro harakat qilganini hamma ko‘rdi," - deya Flikning so‘zlarini keltiradi Barca Universal.
