"Ливерпуль" тез орада Муҳаммад Салоҳнинг Миланнинг "Интер" клубига қарши Чемпионлар Лигаси ўйинига бориши ёки бормаслигини ҳал қилади.
"Қизиллар" раҳбарияти 33 ёшли футболчининг "Лидс"га қарши шанба кунги баҳсдан кейинги кескин сўзларидан жаҳли чиққан. Эслатиб ўтамиз, форвард ўз ҳолатидан қониқмаётганини очиқ айтди: у захирада қолмаслиги керак деб ҳисоблайди ва клубни ваъдаларни бузишда айбламоқда. Журналист Люис Стилнинг маълум қилишича, душанба куни эрталаб Салоҳ бўйича қарор қабул қилинади: футболчининг жамоа билан Италияга учиш-учмаслиги ҳал қилинади. "Ливерпуль" босслари ҳозирча юлдузни жазолаш керакми ёки йўқлигини ҳал қилишмаган.
"Ливерпуль"нинг "Интер"га қарши ўйини сешанба куни "Сан-Сиро"да бўлиб ўтади.
