"Челси" ҳужумчиси Лиам Делап яқин орада жамоага ёрдам бера олмайди.
22 ёшли футболчи "Борнмут"га қарши кечган сўнгги ўйинда елкасидан жароҳат олиб, биринчи бўлимда захирага олинганди. Журналист Алекс Крукнинг маълумотига кўра, англияликнинг тикланиши учун олти ҳафтадан саккиз ҳафтагача вақт кетади.
Лиам Делап "Челси"га жорий йилнинг июнь ойида "Ипсвич"дан кўчиб ўтган эди. Футболчи Энцо Мареска жамоаси сафида барча мусобақаларда 17 та ўйинда майдонга тушиб, 2 та гол ва 1 та голли узатмани амалга оширган.
Сешанба куни "кўклар" Чемпионлар лигаси доирасида сафарда Италиянинг "Аталанта" клубига қарши майдонга тушади.
