Мексиканинг «Монтеррей» клуби ҳимоячиси Серхио Рамос Апертура доирасида «Толука»дан учралган мағлубиятдан (2:3) сўнг клубда қолиш нияти бор-йўқлиги ҳақидаги саволга жавоб берди.

«Очиғини айтсам, ҳа — бу Мексикадаги сўнгги ўйиним бўлди. Хафамиз, лекин виждонимиз тоза — майдонда боримизни бердик. Хулоса чиқариш, оёққа туриш ва бу ҳам футболнинг бир қисми эканлигини қабул қилиш керак. Энг катта аламли жиҳати — мухлисларга яна бир финални совға қила олмаганимиз бўлди, чунки улар бунга ҳаммадан кўпроқ лойиқ эди. Доимий қўллаб-қувватлаганингиз учун раҳмат. Олға, «Монтеррей»!», — деб ёзди Рамос ўзининг ижтимоий тармоқлардаги саҳифасида.

Испаниялик ҳимоячининг клуб билан шартномаси йил охиригача тузилган, шу сабабли у ҳозирдаёқ потенциал иш берувчилар билан музокараларга киришишга ҳақли.