«Ливерпуль» сардори Виржил ван Дейк ва «қизиллар»нинг бошқа бир қатор етакчи ўйинчилари жамоа бош мураббийи Арне Слот билан муносабатлари мураккаб эканини айтган Муҳаммад Салоҳ томонига ўтишди.
Футболчилар нидерландиялик мутахассиснинг ишдан бўшатилишини исташмоқда, деб хабар беради британиялик журналист Жеймс Уотленд ўзининг X ижтимоий тармоғида.
Аввалроқ Салоҳ Слотни, жумладан, ҳурматсизликда айблаган эди. Арне Слот «Ливерпуль»ни 2024 йил ёзида қабул қилиб олган. Унинг раҳбарлиги остида «қизиллар» 2024/2025 мавсумида Англия чемпионатида ғолиб чиққан.
Бугунги кун ҳолатига кўра, мерсисайдликлар АПЛ турнир жадвалида 15 ўйинда 23 очко тўплаб, тўққизинчи ўринни эгаллаб турибди.













