"Реал" бош мураббийи Хаби Алонсо "Сельта" билан ўйинда очко йўқотиш ҳал қилувчи аҳамиятга эга эмас, деб ҳисобламоқда.
Якшанба куни "Реал" Ла Лиганинг 15-турида ўз майдонида 0:2 ҳисобида мағлуб бўлди ва турнир жадвалида "Барселона"дан 4 очко ортда бормоқда.
"Ҳамма бирлашиб, бу футбол эканини тушуниб етди, албатта. Талаблар қандайлигини биламиз, мағлубиятлар жуда оғриқли, аммо келажакка қарашимиз керак.
Бу ҳар биримизнинг масъулиятимиз, барчамиз ўз ишимизни тўғри бажаришга ҳаракат қилишимиз керак. Йўқотилган очколар муҳимлигини биламиз, аммо бу ҳал қилувчи аҳамиятга эга эмас.
Ҳозирги вазият, албатта, оғриқли, аммо биз бу клуб талаб қиладиган юқори стандартларга риоя қилган ҳолда келажакка қарашимиз керак", - деди Алонсо.
