"Барселона" Испания Ла Лигасининг бир неча ўйинини янгиланган "Камп Ноу"да ўтказишга улгурди. Энди каталонияликлар узоқ вақтдан буён илк бор ўз майдонларида Чемпионлар лигаси ўйинмда иштирок этишади. Бу ҳақда "кўк-анорранглилар" бош мураббийи Ханс-Дитер Флик айтиб ўтди.
- "Камп Ноу"га қайтиш қанчалик муҳим?
- "Камп Ноу"да яна ўйнаш ҳамманинг орзуси эди. Бу Чемпионлар Лигаси учун ҳам муҳим. Эртага ўзимизнинг жонажон стадионимизда уч очко олишимиз керак бўлган ўйинни ўтказамиз," - деди Флик матбуот анжуманида.
9 декабрь, сешанба куни "Барселона" "Камп Ноу"да "Айнтрахт"га қарши Чемпионлар лигаси ўйинини ўтказади.
