Муҳаммад Салоҳ "Ливерпуль"даги ҳолатидан норозилигини очиқчасига маълум қилди ва клуб мисрлик футболчини Чемпионлар лигасининг "Интер"га қарши ўйинига олиб бормасликка қарор қилди. Бироқ, миланликлар бош мураббийи Кристиан Киву бу воқеага эътибор қаратмаяпти.
"Салоҳ - жаҳон даражасидаги ўйинчи, аммо бу бизнинг муаммоларимиз эмас. Бунинг менга дахли йўқ. "Ливерпуль"да Салоҳнинг ўрнини боса оладиган футболчилар борлигини биламан, шунинг учун улар юқори даражани ушлаб туришади.
Биз алоҳида футболчилар ҳақида эмас, жамоалар ҳақида гапиряпмиз. Биз "Ливерпуль"нинг алоҳида футболчилари эмас, жамоа сифатида нима қилаётгани ҳақида қайғуришимиз керак. Уларда сифатли футболчилар кўп," - дея Кивудан иқтибос келтиради Goal портали.
