"АЗ Алкмаар" клубининг 23 ёшли марказий ҳужумчиси Трой Пэрротт яна Лондоннинг "Тоттенхэм" клуби аъзосига айланиши мумкин. Ушбу маълумотлар билан Fijaches бўлишди.
"Тоттенхэм" 2017-2024 йиллар давомида клуб тизимида фаолият олиб борган Трой Пэрроттни ўз сафига қўшиб олмоқчи ва унинг учун 35 миллион евро тўлашга тайёр.
Бир ярим йил олдин "шпорлар" ҳужумчини "АЗ Алкмаар"га тўрт 4 миллионга сотган, аммо 20 фоиз ҳуқуқни ўзида сақлаб қолган. Пэрротт мавсумни жуда самарали ўтказмоқда.
Барча мусобақалардаги 19 ўйинда форвард 15 марта рақиблар дарвозасини ишғол қилган. Шунингдек, унинг ҳисобида учта голли узатма бор. Пэрроттнинг нидерландияликлар билан меҳнат шартномаси 2029 йилгача мўлжалланган.
