Ҳозирда Россиянинг "БроукБойз" Медриа жамоаси шарафини ҳимоя қилаётган ўзбекистонлик вингер Шаҳриёр Жабборов ўзига мотивация берадиган футболчиларни айтди.
"Қайси футболчига қараб, мен ҳам ўйнашни хоҳлаётганимни тушунаман? Мбаппе. Аммо ҳақиқий кумирим - Неймар. Ҳозир ҳам деярли ҳар куни Неймар 12-13 ёшида "Сантос"да ўйнаган роликларни кўраман. У менга мотивация беради, унинг финтларини такрорлашга ҳаракат қиламан.
Албатта, мен Неймар эмасман, лекин унга ўхшашга ҳаракат қиламан," - деди Шаҳриёр.
Эслатиб ўтамиз, Жабборов 19 ёшида "Пахтакор" билан Ўзбекистон чемпиони бўлган. 20 ёшида Ўзбекистон терма жамоаси таркибида ёшлар ўртасидаги Осиё кубогини қўлга киритган.
У 4 йилга профессионал футболдан четлатилди. Жабборовнинг допинг-тести 2023 йил апрель ойида U-20 Осиё кубоги чорак финали доирасида Австралияга қарши ўйиндан сўнг ижобий натижа кўрсатганди.
