Hozirda Rossiyaning "BroukBoyz" Medria jamoasi sharafini himoya qilayotgan o‘zbekistonlik vinger Shahriyor Jabborov o‘ziga motivasiya beradigan futbolchilarni aytdi.

"Qaysi futbolchiga qarab, men ham o‘ynashni xohlayotganimni tushunaman? Mbappe. Ammo haqiqiy kumirim - Neymar. Hozir ham deyarli har kuni Neymar 12-13 yoshida "Santos"da o‘ynagan roliklarni ko‘raman. U menga motivasiya beradi, uning fintlarini takrorlashga harakat qilaman.

Albatta, men Neymar emasman, lekin unga o‘xshashga harakat qilaman," - dedi Shahriyor.

Eslatib o‘tamiz, Jabborov 19 yoshida "Paxtakor" bilan O‘zbekiston chempioni bo‘lgan. 20 yoshida O‘zbekiston terma jamoasi tarkibida yoshlar o‘rtasidagi Osiyo kubogini qo‘lga kiritgan.

U 4 yilga professional futboldan chetlatildi. Jabborovning doping-testi 2023 yil aprel oyida U-20 Osiyo kubogi chorak finali doirasida Avstraliyaga qarshi o‘yindan so‘ng ijobiy natija ko‘rsatgandi.