"Вильярреал" бош мураббийи Марселино Гарсия Торал "Реал"даги Хаби Алонсо билан боғлиқ вазиятга изоҳ берди.
"Ҳамкасбларим ноқулай вазиятга тушиб қолишса, ҳар доим ўзимни ноқулай ҳис қиламан. Мен ҳар доим ўзимни уларнинг ўрнига қўяман.
Мураббийлар ғалабаларни ёлғизликда, мағлубиятларни эса... янада ёлғизликда бошдан кечирадилар. Бизнинг ишимиз муваффақиятни кафолатламайди. Муваффақият футболчиларнинг ўйини ва яхши натижаларга боғлиқ.
Мен ҳар доим айтаманки, мураббийлар сендвич ўртасидаги гўшт ва пишлоқ кабидир. Юқорида эса, раҳбарлик қилувчилар рамзи бўлмиш нон қатлами туради. Пастда эса ўйинчилар. Улар ҳақиқий қаҳрамонлар ва мураббийга ўйинларда ғалаба қозонишга ёрдам берувчилардир. Аммо ветчина ва пишлоқ пастки қатлам устидан мутлақ назоратга эга бўлмаса, муаммолар пайдо бўлади.
Раҳбарлар қилишлари керак бўлган ягона нарса - қарор қабул қилишда мутлақ ишонч ва кучни намойиш этиш. Ва клуб раҳбарияти мураббийнинг қобилияти ва ишига шубҳа билан қараган куни у билан хайрлашиши керак", - деди Марселино Ману Карренога берган интервьюсида.
