"Барселона" клуби матбуот хизматининг маълум қилишича, асосий жамоа дарвозабони Марк-Андре тер Штеген умумий гуруҳ машғулотларига қайтган. 33 ёшли германиялик дарвозабон белидаги муаммо туфайли мавсум бошини ўтказиб юборди.
Аввалроқ, таниқли инсайдер Фабрицио Романо тер Штегенга қишки трансферлар ойнаси арафасида бир неча клублар қизиқиш билдираётгани ва сўнгги вақтларда бу қизиқиш ортиб бораётгани ҳақида хабар берганди.
Футболчининг "Барселона" билан амалдаги меҳнат шартномаси 2028 йилнинг ёзига қадар мўлжалланган. Каталонияликлар бугунги кунда Испания Ла Лигаси турнир жадвалида биринчи ўринни эгаллаб турибди. Жамоа ўтказилган 16 та ўйинда 40 очко тўплаган.
