"Рома"нинг аргентиналик ҳужумчиси Пауло Дибала жамоада қолишни истамоқда. Аввалроқ, форвард клубни тарк этмоқчи экани, клуб ҳам у билан шартномани узайтирмоқчи эмаслиги ҳақида хабарлар тарқалган эди.
32 ёшли аргентиналикнинг "бўрилар" билан амалдаги келишуви 2026 йилнинг 30 июнига қадар мўлжалланган.
La Repubblica хабарига кўра, футболчи "Рома"дан кетишни режалаштираётгани ҳақидаги миш-мишлардан жуда ҳайратда қолган.
Клуб раҳбариятига келсак, улар ҳали Дибала масаласида бир қарорга келгани йўқ. "Рома" таркибни ёшартириш йўлини танламоқда, аммо аргентиналикдан воз кечмоқчи ҳам эмас.
Нима бўлганда ҳам, шартномани узайтиришда унинг маоши ҳозирги йилига 8,5 млн евродан сезиларли даражада камайишига рози бўлишига тўғри келади.
2025/2026 йилги мавсумда Дибала 12 та ўйинда майдонга тушиб, иккита гол урди ва битта голли узатмани амалга оширди.
