"Roma"ning argentinalik hujumchisi Paulo Dibala jamoada qolishni istamoqda. Avvalroq, forvard klubni tark etmoqchi ekani, klub ham u bilan shartnomani uzaytirmoqchi emasligi haqida xabarlar tarqalgan edi.
32 yoshli argentinalikning "bo‘rilar" bilan amaldagi kelishuvi 2026 yilning 30 iyuniga qadar mo‘ljallangan.
La Repubblica xabariga ko‘ra, futbolchi "Roma"dan ketishni rejalashtirayotgani haqidagi mish-mishlardan juda hayratda qolgan.
Klub rahbariyatiga kelsak, ular hali Dibala masalasida bir qarorga kelgani yo‘q. "Roma" tarkibni yoshartirish yo‘lini tanlamoqda, ammo argentinalikdan voz kechmoqchi ham emas.
Nima bo‘lganda ham, shartnomani uzaytirishda uning maoshi hozirgi yiliga 8,5 mln yevrodan sezilarli darajada kamayishiga rozi bo‘lishiga to‘g‘ri keladi.
2025/2026 yilgi mavsumda Dibala 12 ta o‘yinda maydonga tushib, ikkita gol urdi va bitta golli uzatmani amalga oshirdi.
