"Барселона" таркибни кучайтириш бўйича режалар тузмоқда. Transfer News Live нашрининг Calciomercato нашрига таяниб хабар беришича, "кўк-анорранглилар" "Фиорентина"дан Мойзе Кин трансферини кўриб чиқмоқда.
Манбага кўра, 25 ёшли Киннинг агентлари аллақачон "Барселона" вакиллари билан музокара ўтказган. Қишки ойнада трансфер қилиш имконияти муҳокама қилинди.
Қайд этилишича, Мойзе Кинга бозорда талаб анча юқори, аммо бу мавсумда форвард кам гол урмоқда. 16 ўйинда Кин ўз ҳисобига иккита гол ва учта голли узатмани ёзиб қўйди.
Мойзе Кин Италия терма жамоаси аъзоси ҳисобланади. Нуфузли Transfermarkt портали мутахассислари форвардни 50 миллион еврога баҳоламоқда.
