The Athletic саҳифаларида юлдуз ҳужумчи Муҳаммад Салоҳ ҳақида кенг қамровли материал эълон қилинди. Мисрлик футболчи мураббий ва клубга нисбатан танқидидан сўнг "Интер"га қарши ўйин қайдномасидан четлатилгани маълум - Салоҳ асосий таркибда майдонга тушмагани учун очиқчасига норозилик билдирди.

Манбанинг таъкидлашича, "Ливерпуль"дан кетган тақдирда, Салоҳ учун асосий вариантлардан бири "Ал-Ҳилол" бўлади. Саудия клуби аллақачон мисрлик футболчига қизиқиш билдирган ва келишувни амалга ошириш учун ресурсларга эга.

Шунингдек, МЛСда ҳам Салоҳ олдида бир нечта вариантлар мавжуд. Ҳужумчига "Чикаго Файр" ва "Сан-Диего" қизиқмоқда.