"Бавария" ўз майдонида Чемпионлар лигаси умумий босқич 6-турида "Спортинг"ни қабул қилиб, 3:1 ҳисобида ғалаба қозонди.
Учрашувнинг 54-дақиқасида меҳмонлар Йозуа Киммихнинг автоголи эвазига ҳисобни очди. Мюнхенликлар 65-дақиқада Серж Гнабри томонидан киритилган гол эвазига жавоб қайтарди. Орадан 4 дақиқа ўтиб, 17 ёшли Леннарт Карл мезбонларни ҳисобда олдинга олиб чиқди. Учрашувнинг 77-дақиқасида Жонатан Та якуний ҳисобни ўрнатди.
"Бавария" (15 очко) Чемпионлар Лигаси умумий турнир жадвалида иккинчи ўринга кўтарилиб олди. "Спортинг" (10) эса 9-поғонага тушиб кетди.
Кейинги турда лиссабонликлар ўз майдонида "ПСЖ"га қарши баҳс олиб боради. Ўйин 20 декабрь куни бўлиб ўтади. "Бавария" эртаси куни ўз майдонида Бельгиянинг "Юнион" клубига қарши баҳс олиб боради.
ЕЧЛ. 6-тур
9 декабрь, 22:45. «Allianz Arena» (Мюнхен)
Бавария - Спортинг - 3:1
Голлар: Киммих, 54 - автогол (0:1). Гнабри, 65 (1:1). Карл, 69 (2:1). Та, 77 (3:1)
Бавария: Нойер, Упамекано, Та, Станишич (Дэйвис, 88), Лаймер, Киммих, Павлович (Ито, 88), Карл (Рафаэл Геррейру, 76), Гнабри (Горецка, 88), Олисе, Кейн (Джексон, 90+2)
Спортинг: Руй Силва, Диоманде, Куарежма (Ваяннидис, 80), Матеус Рейс, Фреснеда, Юльманн, Симоес (Морита, 90+2), Араухо (Блопа, 90+2), Сантос (Мангаш, 66), Катаму (Иоаннидис, 80), Суарес
Огоҳлантиришлар: Киммих, 71. Лаймер, 90 - Юльманн, 71
