"Барселона"нинг ўнг қанот ҳимоячиси Жюль Кунде Чемпионлар лигаси доирасида Германиянинг "Айнтрахт" клубига (2:1) қарши баҳсда дубль қайд этди.

Каталонияликлар танаффусга мағлуб сифатида йўл олди, аммо иккинчи бўлим бошида французнинг голлари эвазига ғалабани илиб кетишди. 27 ёшли футболчи 50-дақиқада ҳисобни тенглаштирган бўлса, яна уч дақиқадан сўнг ғалаба тўпини киритди.

"Тўғрисини айтсам, Кунденинг икки марта гол уришини кутмагандим. Унинг кайфияти бугун бизга катта ёрдам берди," - дея Фликнинг ўйиндан кейинги интервьюсидан иқтибос келтиради Managing Barca.

Жюл Кунде "Барселона" сафида барча мусобақаларда 162 та ўйинда майдонга тушиб, ўнта гол урган. Илгари ўйинчи ҳеч қачон бир ўйинда бир мартадан ортиқ дарвозани ишғол қилмаган.