"Barselona"ning o‘ng qanot himoyachisi Jyul Kunde Chempionlar ligasi doirasida Germaniyaning "Ayntraxt" klubiga (2:1) qarshi bahsda dubl qayd etdi.
Kataloniyaliklar tanaffusga mag‘lub sifatida yo‘l oldi, ammo ikkinchi bo‘lim boshida fransuzning gollari evaziga g‘alabani ilib ketishdi. 27 yoshli futbolchi 50-daqiqada hisobni tenglashtirgan bo‘lsa, yana uch daqiqadan so‘ng g‘alaba to‘pini kiritdi.
"To‘g‘risini aytsam, Kundening ikki marta gol urishini kutmagandim. Uning kayfiyati bugun bizga katta yordam berdi," - deya Flikning o‘yindan keyingi intervyusidan iqtibos keltiradi Managing Barca.
Jyul Kunde "Barselona" safida barcha musobaqalarda 162 ta o‘yinda maydonga tushib, o‘nta gol urgan. Ilgari o‘yinchi hech qachon bir o‘yinda bir martadan ortiq darvozani ishg‘ol qilmagan.
