"Ливерпуль"нинг собиқ ҳимоячиси Жейми Каррагер "қизиллар"нинг юлдуз ҳужумчиси Муҳаммад Салоҳдан узр сўради. Аввалроқ эксперт мисрликнинг хатти-ҳаракатларини "шармандали" деб атаганди.

- "Мо", сени хафа қилган бўлсам, кечир. Сен менга доим "Ливерпуль" футболчиси сифатида ёқардинг. Аммо майдондан ташқарида ҳам муносиб хатти-ҳаракатларни кўрсатиш керак," - дея Каррагернинг сўзларини келтиради Liverpool Echo.

Салоҳ 2017 йилнинг ёзидан бери мерсисайдликлар шарафини ҳимоя қилиб келмоқда. 33 ёшли футболчининг трансфер нархи 30 миллион еврони ташкил этади.

Салоҳ Англия Премьер-лигасининг жорий мавсумида 13 та ўйин ўтказди. Ҳужумчи 4 та гол ва 2 та голли узатмани ўз ҳисобига ёздириб қўйди.