Бразилия терма жамоаси ва Мадриднинг "Реал" клуби собиқ футболчиси Марсело футболчилик фаолиятидаги энг оғир ўйин ҳақида гапирди.
"Бу 2010 йилда "Барселона"га қарши ўйин эди. Ўшанда "Камп Ноу"да 0:5 ҳисобида ютқазгандик. Жамоа кўзлари боғланган ҳолда ўйинга чиқди. Майдонда тўпни умуман кўрмадик. Ўшанда бизга қарши Месси, Хави, Иньеста, Педро ўйнаган. Ўша пайтда Педро жуда яхши эди," - деди бразилиялик Under The Goalposts подкастида.
Эслатиб ўтамиз, Марсело 2007-2022 йиллар давомида "қироллик клуби" шарафини ҳимоя қилган. Шунингдек, унинг фаолиятида Бразилиянинг "Флуминенсе" ва Грециянинг "Олимпиакос" клублари бор.
