"Реал" таркибни кучайтириш бўйича режалар тузмоқда. Куз охирида Мадрид суперклуби "Ливерпуль"дан Ибраима Конате каби футболчини ҳимоя чизиғига қўшиб олиш вариантидан воз кечгани хабар қилинганди.
Бироқ, Transfer News Live’нинг Defensa Central’га таяниб хабар беришича, Эдер Милитаонинг оғир жароҳатидан сўнг "Реал" яна Конате билан шартнома имзолаш имкониятини кўриб чиқмоқда.
Милитао дам олиш кунлари жароҳат олди. Бразилиялик футболчи фақат апрель ойида сафга қайтиши кутилмоқда.
Куни кеча Конатени қишда 17 миллион еврога сотиб олиш мумкинлиги ҳақида хабар берилганди. "Ливерпуль" 26 ёшли футболчини муддати тугаётган шартнома фонида арзон нархда сотишга мажбур бўлиши мумкин.














