Матбуотда Карим Бензема "Ал-Иттиҳод" билан шартномасини узайтиргани ҳақида маълумотлар пайдо бўлди. Бу ҳақдаги маълумот ҳақиқатга тўғри келмайди, деб ёзади Foot Mercato.
Манбага кўра, Бензема Жидда клуби билан шартномасини узайтирмаган. Қолаверса, 37 ёшли футболчи ҳали клубдан меҳнат шартномасини узайтириш бўйича расмий таклиф олмаган.
Карим Бенземанинг эркин агент мақомини олиши мумкинлиги "Лион" мухлисларига юлдуз футболчининг клубга қайтишига умид қилиш имконини беради.
Эслатиб ўтамиз, Бензема 2022 йилда "Олтин тўп"ни қўлга киритган эди. "Ал-Иттиҳод" сафида француз 74 та ўйинда майдонга тушиб, 49 та гол урган ва 17 та голли узатмани амалга оширган.
