Лондоннинг "Арсенал" клуби бош мураббийи Микель Артета Чемпионлар лигаси доирасидаги "Брюгге"га (3:0) қарши ўйиндаги муваффақиятидан сўнг ўз таассуротлари билан ўртоқлашди.
"Канонирлар" Нони Мадуэкенинг дубли ва Габриэль Мартинеллининг голи эвазига Бельгиядан 3 очко олиб кетди.
"Чемпионлар Лигасида ўйнаш қанчалик қийинлигини биламиз. Сафарда ғалаба қозониш жуда қадрли - айниқса, сафдан чиққан ўйинчилар сонини ҳисобга олсак. Биз ҳимояда кўп меҳнат қилдик ва бундай натижага лойиқ эдик.
Кристиан Нергор бизни ҳар куни яхшилаб бормоқда - у ҳар қандай позицияда ўйнашга қодир ва майдонда унга қанча вақт ажратилса ҳам, ҳар доим ишга жуда ажойиб кайфият билан ёндашади," - деди Артета ўйиндан кейинги интервьюсида.
