Чемпионлар лигаси умумий босқичининг олти туридан сўнг плей-оффда иштирок этишни кафолатлаган бешта клуб аниқ бўлди.
Улар: «Арсенал» (Англия), «Бавария» (Германия), «ПСЖ» (Франция), «Манчестер Сити» (Англия) ва «Аталанта» (Италия). Бу жамоалар эндиликда 24-ўриндан пастга тушиб кетмаслиги аниқ.
Эслатиб ўтамиз, умумий босқичда энг кучли саккиз жамоа тўғридан-тўғри Чемпионлар лигаси 1/8 финалига йўл олади. 9–24-ўринларни эгаллаган клублар эса плей-оффга олиб чиқувчи босқичда ўзаро тўқнаш келишади. Шу раунд ғолиблари ҳам 1/8 финалга йўл олади.
