"Манчестер Сити" бош мураббийи Хосеп Гвардиола Чемпионлар лигасида "Реал" устидан қозонилган ғалабадан кейин ўз фикрларини билдириб ўтди.
"Сантьяго Бернабеу"да кечган умумий босқич 6-туридан ўрин олган учрашув 2:1 ҳисобида якунланди.
- Мени нотўғри тушунманг. "Бернабеу"да ғалаба қозониш жуда қийин вазифа. Айниқса, бу турнирда. Лекин шу билан бирга... ярим финал ёки финалга чиқишни истасак, яхшироқ ўйнашимиз керак. Биз бунинг устида ишлаяпмиз," - дея Гвардиоланинг сўзларини келтиради City Report.
Мутахассис ўз футболчиларининг ҳаракатларидан тўлиқ қониқаётганини, аммо олдинга силжиш кераклигини яна бир бор таъкидлади. Мураббий ҳозирги ўйинчилар танлови билан муваффақиятга эриша олишига ишончи комил.
