Саудия Арабистонининг "Ал-Аҳли" клуби ҳужумчиси қишки трансфер ойнасида Англия премьер-лигасига қайтиши даргумон. Бу ҳақда talkSPORT хабар бермоқда.

Манбага ишонадиган бўлсак, Тонини қайтариш муаммоси солиқлар билан боғлиқ. Таъкидланишича, ўтган йили форвард ҳафтасига 456 минг евро маош билан махсус тўрт йиллик шартнома имзолаган ва унга солиқ солинмаган. Аммо бир ҳийла бор: агар Тони 2026 йил апрелигача Англияга қайтса, Саудия Арабистонида ишлаб топганининг ярми - 16 миллион евро миқдорида солиқ тўлаши керак бўлади.

Аввалроқ, 29 ёшли Тонига "Тоттенхэм," "Эвертон" ва "Манчестер Юнайтед" клублари қизиқиш билдираётгани ҳақида хабарлар тарқалган эди.

Ҳужумчи бу мавсумда барча мусобақаларда 18 та ўйинда 12 та гол ва 2 та голли узатмага муаллифлик қилди.