Saudiya Arabistonining "Al-Ahli" klubi hujumchisi qishki transfer oynasida Angliya premyer-ligasiga qaytishi dargumon. Bu haqda talkSPORT xabar bermoqda.
Manbaga ishonadigan bo‘lsak, Tonini qaytarish muammosi soliqlar bilan bog‘liq. Ta’kidlanishicha, o‘tgan yili forvard haftasiga 456 ming yevro maosh bilan maxsus to‘rt yillik shartnoma imzolagan va unga soliq solinmagan. Ammo bir hiyla bor: agar Toni 2026 yil apreligacha Angliyaga qaytsa, Saudiya Arabistonida ishlab topganining yarmi - 16 million yevro miqdorida soliq to‘lashi kerak bo‘ladi.
Avvalroq, 29 yoshli Toniga "Tottenxem," "Everton" va "Manchester Yunayted" klublari qiziqish bildirayotgani haqida xabarlar tarqalgan edi.
Hujumchi bu mavsumda barcha musobaqalarda 18 ta o‘yinda 12 ta gol va 2 ta golli uzatmaga mualliflik qildi.
