Янги жаҳон чемпиони, "Макларен" пойгачиси Ландо Норриснинг ватанидаги Сомерсет округи ҳукумати кўчани британиялик пойгачи шарафига номлади.
Энди Гластонбери яқинидаги Стрит шаҳрида жойлашган Clarks Village мажмуасидаги пиёдалар учун мўлжалланган ҳудуд Lando Lane деб аталади. Бу ерда Ландо мактабда ўқиган ва болалигида ўсган.
"Ландо - маҳаллий қаҳрамон ва унинг жаҳон чемпиони бўлганидан барчамиз жуда хурсандмиз. У ёшлик йилларини шу ерда ўтказди, айнан шу даврда у картинг билан шуғуллана бошлади ва охир-оқибат уни дунёдаги энг яхши пойгачига айлантирди. Кўчанинг номини Lando Lane деб ўзгартириш минтақамизнинг севимли ўғлонларидан бирининг бу ажойиб ютуғини нишонлаш усулидир", - дея Clarks Village директори Крис Девиснинг сўзларини келтиради Crash.
