Yangi jahon chempioni, "Maklaren" poygachisi Lando Norrisning vatanidagi Somerset okrugi hukumati ko‘chani britaniyalik poygachi sharafiga nomladi.
Endi Glastonberi yaqinidagi Strit shahrida joylashgan Clarks Village majmuasidagi piyodalar uchun mo‘ljallangan hudud Lando Lane deb ataladi. Bu yerda Lando maktabda o‘qigan va bolaligida o‘sgan.
"Lando - mahalliy qahramon va uning jahon chempioni bo‘lganidan barchamiz juda xursandmiz. U yoshlik yillarini shu yerda o‘tkazdi, aynan shu davrda u karting bilan shug‘ullana boshladi va oxir-oqibat uni dunyodagi eng yaxshi poygachiga aylantirdi. Ko‘chaning nomini Lando Lane deb o‘zgartirish mintaqamizning sevimli o‘g‘lonlaridan birining bu ajoyib yutug‘ini nishonlash usulidir", - deya Clarks Village direktori Kris Devisning so‘zlarini keltiradi Crash.













