"Манчестер Сити" ва "Манчестер Юнайтед" "Баиа" ҳужумчиси Делл учун кураш олиб бормоқда. Бу ҳақда TEAMtalk ёзмоқда.
Қайд этилишича, "шаҳарликлар" ёш иқтидор учун курашда қўшниларини ортда қолдирмоқда. Мутахассислар 17 ёшли форвардни Эрлинг Холандга қиёсламоқда. Делл 17 ёшгача бўлган ўсмирлар ўртасидаги жаҳон чемпионатида тўпурарлар рўйхатида учинчи ўринни эгаллади ва аллақачон City Football Group таркибига кирувчи "Баиа"нинг асосий жамоаси учун иккита ўйин ўтказди.
Делл келаси ёзда 18 ёшга тўлганида Европа клубига ўтиши мумкин. Аммо "Сити" битимни 2026 йил бошида якунлашга уриниб кўради.













