"Ал-Иттиҳод" ҳужумчиси Карим Бенземанинг фикрича, Саудия Арабистони чемпионати даражаси Европа лигаларига яқинлашмоқда.
"Ўйлайманки, уч йил ичида бу ерда футбол анча ўзгарди. Бу жисмоний жиҳатдан яхшироқ ва янада тезроқ бўлди. Клублар ўртасидаги жаҳон чемпионатида "Ал-Ҳилол" "Реал" билан дуранг ўйнаб, "Манчестер Сити"ни турнирдан чиқариб юборганини кўрдик. Шунинг учун бу ерда осон деб ўйламанг!
Лига Европа даражасида эмас, лекин ундан узоқ эмас. Европа жамоаси Саудия Арабистонининг кучли жамоасини 5:0 ҳисобида мағлуб эта олмайди. Бу PlayStation ўйини эмас.
Ҳозир олдинга югуришнинг ҳожати йўқ. Даража, машғулотлар - интенсивлик ҳозирча Европадагидек эмас. Лекин биз аста-секин бунга етиб келяпмиз. Масалан, бизда европалик мураббий бор (Сержиу Консейсау), биз жисмонан кўп ишлаймиз. Илгари биз бундай қилмаганмиз," - деди Бензема.
