"Челси" ҳужумкор ярим ҳимоячиси Коул Палмер "Стэмфорд Бридж"га қайтишга тайёргарлик кўрмоқда.
23 ёшли футболчи жароҳати сабаб сентябрдан декабрь ойи бошигача майдонга тушмади. Яқинда "кўклар" етакчиси сафга қайтди, аммо кўп ўтмай яна сафдан чиқди ва Чемпионлар лигасида "Аталанта"га қарши кечган ўйинни ўтказиб юборди. Энди инглиз жароҳатни бутунлай даволади: у "Эвертон" билан шанба кунги учрашувда иштирок этиши кутилмоқда, бу унинг август ойи ўрталаридан бери "Стэмфорд Бриж"даги илк учрашуви бўлади.
"Эртага ниҳоят уйга қайтаман. Келинг, ҳаммасини биргаликда тузатамиз," - деб ёзди Палмер ижтимоий тармоқда ва "Челси" стадионидан тушган суратини илова қилди.
"Эвертон"га қарши баҳс Тошкент вақти билан 20:00да бошланади.
