Tether Holdings компаниясининг шўба корхонаси бўлган Tether Investments компанияси "Ювентус" футбол клубининг 65 фоиздан ортиқ улушини сотиб олиш ниятида эканлигини маълум қилди. Ҳозирда Tether акцияларнинг тахминан 11,5 фоизига эгалик қилмоқда. Бу ҳақда Corriere dello Sport нашри хабар бермоқда.
Агар келишув амалга ошса, клубда хўжайин ўзгаради. Илгари жамоа кўп йиллар давомида Аньеллилар оиласига тегишли бўлган. Tether’нинг таъкидлашича, агар келишув муваффақиятли бўлса, улар "биринчи жамоани мустаҳкамлаш ва клубнинг ривожланиши ва ўсишини қўллаб-қувватлаш учун" 1 миллиард евро сармоя киритишга тайёр.
Шу билан бирга, Аньеллининг оиласи ҳозирча бундай имкониятни рад этмоқда. Уларнинг сўзларига кўра, ҳозирда "Ювентус"даги улушни сотиш бўйича ҳеч қандай музокаралар олиб борилмаяпти.
