Лондоннинг "Челси" клуби сафидаги ўйинлари билан танилган бразилиялик ярим ҳимоячи Оскар профессионал фаолиятини эрта якунлашга мажбур бўлмоқда, деб ёзади Goal. Ечим бразилияликнинг юраги билан боғлиқ муаммолар аниқлангани билан боғлиқ.
34 ёшли футболчи 12 ноябрь куни "Сан-Паулу"да ўтказилган режали тиббий кўрикда юрагида муаммо борлиги аниқланиб, шифохонага ётқизилган эди. Футболчи ҳушини йўқотган, шундан сўнг унга "вазовагал ҳушдан кетиш" ташхиси қўйилган - бу юрак уриши ва қон босимига таъсир қилувчи ҳолат.
Шифокорлар футболчига соғлиғи учун хавфли бўлгани учун профессионал даражада ўйнашни тўхтатишни тавсия қилган.
