"Ливерпуль" вингери Муҳаммад Салоҳ жамоага қайтганидан кейинги дастлабки ўйиндаёқ голда иштирок этишга муваффақ бўлди.
Мисрлик футболчи олтита учрашув давом этган голсиз ва ассистсиз серияни тўхтатди. АПЛ 16-туридан ўрин олган "Брайтон"га қарши ўйиннинг 60-дақиқасида Салоҳ бурчакдан тўпни ўйинга киритиб берди, шундан сўнг Уго Экитике рақиб дарвозасини ишғол қилди.
Салоҳ учун бу 1 ноябрь куни "Астон Вилла"га қарши ўйинда гол урганидан бери биринчи самарали ҳаракат бўлди. Ўша ўйиндан кейин мисрлик кетма-кет бешта учрашувда гол+пас тизимида очко тўплай олмаган.
Аввалроқ, Салоҳ кетма-кет уч марта асосий таркибдан четда қолганидан кейин клубдаги муносабатдан норози эканини маълум қилганди. Кўп ўтмай, у "Интер" билан Чемпионлар Лигаси ўйини учун қайдномага киритилмади.
