Мадриднинг "Реал" клуби "Манчестер Юнайтед" футболчиларидан бирига қизиқиш билдирмоқда. Гап португалиялик латераль Диогу Далот ҳақида кетмоқда.
Teamtalk журналистлари маълумотига кўра, "қироллик клуби" ҳимоячини келаси йили ўз сафига қўшиб олиши мумкин. "Реал"ни Далотнинг универсаллиги, бирданига бир неча позицияда ўйнай олиши ўзига жалб қилмоқда. "Қизил иблислар"га келсак, манкунианликлар футболчи трансфери бўйича музокараларга тайёр.
Диогу ва "Манчестер Юнайтед" ўртасидаги меҳнат шартномаси 2028 йилнинг ярмигача мўлжалланган. Transfermarkt портали экспертлари ҳимоячининг бозор нархини 28 миллион еврога баҳоламоқда.
